२०७९, २९ बैशाख बिहीबार १२:२४ मा प्रकाशित – नेपाल हेल्थ न्युज

नेपालमा बार्षिक एक अर्ब रुपियाँ भन्दा बढी मूल्यको स्लाइन खपत हुने गरेको तथ्याङ्कले देखाउँछ । नेपालका केही कम्पनिहरुले स्लाइन उत्पादन गरिरहेका छन् । ९ वटा भारतीय कम्पनिहरुबाट निप्पल हेडयुक्त स्लाइन मुलुकमा आयात हुने गरेको छ । निर्यात क्वालिटीको युरोहेडयुक्त स्लाइन एभरेष्ट प्यारेन्टेरल्सले स्थानीयस्तरमा पर्याप्त उपलब्ध गराउन थालेको दावी गरेको छ । तर यो निप्पल हेडको तुलनामा ८ रुपियाँ महँगो पर्छ । बारा जिल्लाको छातापिपरामा रहेको कम्पनिका कार्यकारी निर्देशक उमंग राणासरीयासँग लिइएको अन्तर्वार्ता ।

स्लाइनको मूल्य कति राख्नुभएको छ ?

विदेशमा पठाउने र स्वदेशमा उपलब्ध गराउने हाम्रो उत्पादन एउटै हो । निर्यात हुने र स्वदेशमा खपत हुने औषधिमा एकरुपता कायम राखेका छौं । पाँच सय एमएलको युरो हेडको बजार मूल्य ५३ रुपियाँ छ । जबकि निप्पल हेडको ४५ रुपियाँ पर्छ । जम्मा आठ रुपियाँको फरक हो ।

युरो हेडयुक्त स्लाइनका विशेषता के छन् ?

संक्रमण हुनबाट जोगिन मद्धत गर्छ । प्रयोग गर्न पनि सजिलो छ । बोतलमा खोप्नु पर्दैन । बोतल पञ्चर हुने, हावा जाने, चुहिने संभावना हुँदैन । युरो हेडमा स्टेराइल क्याप रहने भएकाले तान्ने बित्तिकै तीनवटा सुई हाल्न मिल्ने सिलिकन रबर हुन्छ । निडल छिराउँदा सिलिकोनले स्वत निडल सिल गर्छ । त्यसमा अन्य औषधि मिसाउनुपरेमा बाँकी पोर्टहरुबाट गर्न सकिन्छ । ‘स्लाइन पानीको बोतलबाट बिरामीलाई संक्रमण नहोस्’ भन्ने हाम्रो उद्देश्य हो ।  विशेषगरी स्लाइन, ग्लुकोजदेखि प्यारासिटामोल, एन्टिवायोटिक्समा युरो हेड प्रयोग गर्न सकिन्छ ।

नेपाली स्लाइन निर्यातको संभावना कतिको छ ?

स्लाइन भारतबाट दक्षिण अमेरिकासम्म पुगेको छ । भारत बाहेकका मुलुकमा निर्यात गर्न सकिने सम्भावना छ । हामीले आगामी वर्षदेखि निर्यात गर्न सक्छौं । कम्पनिमा २ सय करोड रुपियाँभन्दा बढी लगानी भइसकेको छ । उत्पादित औषधि निर्यात गर्ने उद्देश्य लिएकाले लगानी बढ्दै गयो ।

कुन कुन उत्पादनलाई प्राथमिकता दिएका छौं ?

अहिले हामी प्यारेन्टेरल्समा केन्द्रित छौं । आँखामा हाल्ने औषधि (आई ड्रप) उत्पादन भइरहेको छ ।   अब स्टेराइल ओइन्मेन्ट र एन्टिबायोटिक इन्जेक्सन उत्पादन गर्ने प्रक्रियामा छौं । हाम्रो उत्पादनह रु अर्थोपेडिक, सर्जरी, गाइने, युरोलोजी, क्रिटिकल केयर लगायत सबैका लागि उपयोगी छन् । ट्याब्लेट क्याप्सुल औषधिमा नेपाल करिब ७० प्रतिशत आत्मनिर्भर छ ।  तर

Source Link: https://nepalhealthnews.com/news/2022/05/12/44538.html

२०७७, २५ फाल्गुन मंगलवार १५:३० मा प्रकाशित – नेपाल हेल्थ न्युज

विदेशबाट कस्तो सोच बोकेर नेपाल फर्किनुभयो ?
अस्ट्रेलियाबाट बिजनेश एडमिनिस्ट्रेसनमा आध्ययन सकेर दश वर्ष युएई दुवई शहरमा व्यवसाय गरेर बसेको थिएँ । मेरो स—परिवार नेपालमै भएको र नेपालमा हाम्रो व्यापार व्यवसाय भएकाले ‘परिवार सँगै बसौँ’ र आफ्नै देशमा ‘केहि गरौँ’ भनेर सन् २०१५ मा नेपाल फर्किएको हुँ ।
नेपाल फर्किएको लगभग पाँच बर्ष बितिसकेको छ । यहाँ आएपछि एभरेष्ट प्यारेन्टेरल्स प्रा.लि. नामको औषधि कम्पनि शुरु गर्यौं । यो कम्पनि नयाँ किसिमबाट शुरु गरिएकाले यसैमा केन्द्रित भएर काम अघि बढाइरहेका छौं । बाराको छत्रपिपरामा रहेको यो कम्पनि ८० हजार स्क्वायरफिट क्षेत्रफलमा फैलिएको छ ।

भिटिएम उत्पादन गर्न कसरी सफल हुनुभयो ?
कोभिड— १९ का कारण ११ चैत २०७६ मा मुलुकमा लकडाउन शुरु भयो । कोभिड—१९ का बिरामीहरुको वृद्धि भइरहेको थियो । सरकारले परीक्षण दायरा बढाउँदै गएको थियो । तर कोभिड—१९ परीक्षणका लागि नमुना संकलन गर्ने भाँडो भि.टि.एम. अभाव भएका समाचारहरु आउन थाले । त्यसपछि कोभिड—१९ को महामारी भएपनि हामी चुप लागेर बस्न सकेनौं । नेपालमा भि.टि.एम. उत्पादनका लागि सम्भावित अध्ययन सुरु गर्न थाल्यौं । त्यसपछि स्वदेशमा उत्पादन गर्ने सोच अघि बढायौं ।

भि.टि.एम. उत्पादनका लागि सेन्ट्रल फर डिजिज कन्ट्रोल (सिडिसी) र विश्व स्वास्थ्य संगठन (डब्लुएचओ)ले जारी गरेको गाइडलाइन मुल्याङ्कन गर्दा सिडिसिको फर्मुलेसन अवलम्वन गर्यौं ।
त्यो बेला आवश्यक पर्ने कच्चा पदार्थ उपलब्ध नभएको र ढुवानी गर्ने सवारी साधन राम्रोसँग चलाउन सक्ने वातावरण थिएन । तैपनि कच्चापदार्थ जुटाउँदै गयौँ । यसमा लगभग ३० दिन जति लाग्यो ।

अहिले प्रत्येक ब्याचको भि.टि.एम.को स्टेरेलिटी र स्ट्याबिलिटी परीक्षण गराइरहेका छौँ । सिडिसि गाइडलाइनले पनि अमेरिकाको सेन्ट्रल ल्याबोरेटोरी स्ट्यान्डर्ड इन्स्टिच्युटको गाइडलाइनलाई नै फलो गर्न सुझाएको छ । यद्यपी थर्ड पार्टी ल्याव टेस्ट कम्प्यारिजन अध्ययन गर्दा एभरेष्ट प्यारेन्टेरेल्सको उत्पादन राम्रो गुणस्तरको जानकारी आएको छ ।

उत्पादित भि.टि.एम.को बजारीकरण कसरी गरिरहनुभएको छ ?
निजी अस्पताल र सरकारी तहमा भि.टि.एम. उपलब्ध गराउँदैछौं । मुलुकमा बाहिरबाट नल्याएपनि मुलुकमा उत्पादन भएको गुणस्तरीय भि.टि.एम.पर्याप्त छ । भि.टि.एम.लगायतका अन्य धेरै औषधिमा नेपाल आत्मनिर्भर भइसकेको छ । हामीले बजारमा फरक प्रकारका उत्पादन ल्याउन सफल भएका छौं ।

भिटिएम के हो ?
भि.टि.एम. (भाइरल ट्रान्सपोर्ट मिडियम) भनेको स्वाब संकलन गरी पिसिआर परीक्षणका लागि पठाउन प्रयोग गर्ने मेडिकल सामान हो । यसलाई एक प्रकारको किट भनेर बुझ्दा पनि सकिन्छ । यसको काम प्रयोगशालासम्म नमुना पुर्याउँदा भाइरस नमरोस् र संक्रमण नफैलियोस् भन्ने नै हो । पिसिआर परीक्षणका लागि स्वाब संकलन गरेपछि त्यसलाई सुरक्षित रुपमा प्रयोगशालासम्म पुर्याउन भिटिएम किट प्रयोग गरिन्छ । स्वाबमा भएको भाइरसलाई बिग्रन नदिन ह्याक्स ब्यालेन्स सोलुसन, फेटल बोभिन सेरम तथा एन्टिबायोटिक र एन्टिफंङ्गलको समिश्रणबाट भिटिएम तयार गरिन्छ ।
तापक्रम मेन्टेन नभएमा भाइरस डिनेचर हुनसक्ने सम्भावना बढेर जान्छ । जसले गर्दा पिसिआर रिजल्ट फल्स नेगेटिभ आउँछ । आरएनए भाइसरका लागि तापक्रम सात दिनसम्मका लागि माइनस २० डिग्री सेल्सियसमा राख्नुपर्ने तथा त्यो भन्दा बढी भएमा माइनस ८० डिग्री सेल्सियस राख्नुपर्ने विश्वव्यापी मान्यता छ ।

पिसिआर मेसिनले कोभिड—१९ को परीक्षण गर्दा जटिल फ्लोरोसेंस ग्राफ आउने गर्छ । जसमा थ्रेसहोल्ड भ्याल्यु (सिटी भ्याल्यु) अनुसार नमुना पोजिटिभ वा नेगेटिभ भएको निष्कर्ष वैज्ञानिकले गर्ने गरेका छन् । एनएस, लाइसिस वफर, भाइरस इनएक्टिभेटर भएमा कलेक्सन सोलुसनमा राखिएको नमुनामा लामो समयसम्म जाँच नगरी (२४ घण्टापछि) जाँच गरेमा आउने जटिल फ्लोरोसेन्स ग्राफको सिटी भ्याल्युमा नै परिवर्तन हुन सक्ने सम्भावना अत्यधिक हुन्छ । जसले गर्दा परिणामा फल्स नेगेटिभ आउन सक्छ ।

संसार नै कोभिड-१९ का कारण आक्रान्त बनेको समयमा नेपालमा काम नै नलाग्ने र बेग्लै प्रयोजनमा प्रयोग हुने विभिन्न रसायनहरुलाई भि.टि.एम.को रुपमा प्रयोग गरिँदा रोगको जोखिम झनै बढ्ने कुरालाई नकार्न सकिन्न ।

भारतमा कोरोनाको जाँचमा प्रयोग हुने सम्पूर्ण रसायनहरुको परीक्षण तथा सर्टिफिकेसन आईएमसिआर,भारतीय आयुर्विज्ञान अनुसन्धान परिषदले गर्ने गरेको छ । सो को आधारमा भि.टि.एम. समेत गुणस्तरीयमात्र प्रयोग भएका छन् ।

जुनसुकै वस्तुलाई अत्यन्त न्युन मूल्यमा भि.टि.एम. बनाएर पठाउने चाइनाको काइदा भारतमा चलेको छैन । साथै सिई सर्टिफिकेट समेत भि.टि.एम. को सट्टामा प्रिजरभेसन ट्युव, आरएनए प्रिजरभेसन किट भनेर लेखिएका र भि.टि.एम.मा हुनुपर्ने आधारभूत गुण समेत नभएका विभिन्न रसायनको प्रयोगले नेपालमा पि.सि.आर. परीक्षणमा समेत विश्वसनियता गुमाउने कुरा निश्चित छ । नेपाली जनता कहिलेसम्म ठगिने र गलत पिसिआर नतिजाले मर्ने हुन ? प्रश्न गम्भिर छ । यसतर्फ सरकार र जनता स्वयं सचेत एवं सतर्क हुनु पर्ने आवश्यकता छ ।

Source Link: https://nepalhealthnews.com/news/2021/03/09/33060.html

२०७७, ११ जेष्ठ आईतवार २२:३४ मा प्रकाशित – नेपाल हेल्थ न्युज

जनस्वास्थ्य सरोकार, बीरगञ्ज । नेपाल लगायत विश्वव्यापी रुपमा कोरोना प्रकोप बढिरहकै बेला मुलुकमा पहिलोपटक कोभिड १९ कोरोना भाइरस परीक्षणका लागि भि.टि.एम. किट उत्पादन शुरु भएको छ ।

बीरगंज पथलैया औधोगिक करिडोर स्थित छाता पिपरा–४, बारामा नवनिर्मित एभरेष्ट प्यारेन्टेरल्स प्रा.लि.ले नेपालमै पहिलो पटक भाइरस ट्रान्सपोर्ट मिडिया (भि.टि.एम.) को उत्पादन सुरु गरेको हो ।

मुख तथा नाकबाट लिइएको स्वावलाई परीक्षणका लागि ल्याबसम्म सुरक्षित रुपमा पुर्याउन भिटिएमको प्रयोग हुन्छ । कोभिड–१९ (कोरोना) को महामारीमा पिसिआर टेष्टका लागि नभइ नहुने भि.टि.एम.का लागि हालसम्म अरु मुलुकको मुख ताक्नुपर्ने अवस्था थियो ।

एभरेष्ट प्यारेन्टेरल्स प्रा.लि. का प्रवन्ध निर्देशक उमङ्ग राणासरिया भन्नुहुन्छ —‘पटक पटक भिटिएम अभावको कारणले गर्दा पिसिआर परीक्षणमा वाधा परिरहेको अवस्थामा नेपालमै उत्पादन सुरु गरिएको हो । न्युनतम मूल्यमा उच्च गुणस्तरको भि.टि.एम. उपलब्ध गराउने हाम्रो अठोट छ । हाम्रो आफ्नै उच्च स्तरीय प्रयोगशाला समेत भएकाले प्रत्येक व्याचको परीक्षण हुने तथा अन्य क्षमतायुक्त बाहिरका ल्याबमा समेत परीक्षण गराएपश्चात् मात्र भिटिएम बजारमा पठाइनेछ ।’

वरिष्ट फार्मासिस्ट एवं कम्पनिका बिक्रीवितरण प्रमुख विवेक सिंह महतका अनुसार, एभरेष्ट प्यारेन्टेरल्सद्वारा उत्पादित भिटिएम नेपालकै पहिलो र एकमात्र कोरोना भाइरस स्पेशिफिक भि.टि.एम. भएको, Centre for Disease Control and Prevention, USA, सिडिसी, अमेरिकाको कोरोना सम्बन्धि भिटिएमको निर्देशिकाको पूर्ण पालना गरी बनाइएको तथा प्रयोग हुने कच्चा पदार्थदेखि उत्पादन तथा वितरणको अन्तिम चरणसम्म २ देखि ८ डिग्री सेल्सीयस तापक्रमको कोल्ड चेनको पूर्ण पालना गरिने हुनाले गुणस्तरीयता तथा प्रभावकारीता रहने स्पष्ट पार्नुभयो ।

एभरेष्ट प्यारेन्टेरल्स प्रा.लि.ले दैनिक १० देखि १५ हजार ट्युव भि.टि.एम. उत्पादन क्षमता राख्दछ । यसका अलवा इन्जेक्टेवल्स, सलाइन, आइड्रप्स तथा नेजल स्पे्र जस्ता औषधिहरु बजारमा छिट्टै नै लिएर आउँदै छ ।

Source Link: https://nepalhealthnews.com/news/2020/05/24/26734.html

Everest Parenterals Pvt. Ltd. is the first pharmaceutical industry in Nepal to bring the production of large and small volume parenteral, eye/ear drops under one roof. It was established in 2015 with the objective of making Nepal self-reliant in the production of injectables with high quality and affordable prices.

Everest Parenterals Pvt. Ltd., located in ward no 9 of Jitpur, Simara is carrying a huge responsibility due to its high potential and hopes from people.

The plant was established following the criteria of WHO/GMP. It covers an area of ​​more than 85,000 square feet. The industry has state-of-the-art laboratories and high-tech R&D centers.

In the first phase of the covid pandemic, VTM (Virus Transport Medium) kits were lacking. In the absence of the kits, Everest Parents Pvt. Ltd., as per the guidelines of the CDC, built the country’s first VTM kit.

Mahesh Ranasaria, the founder of the Ranasaria Group, founded the industry in 2015 with the idea that the Ranasaria Group would do something new and different for the Nepalese people in their own country. Dependence on foreign aid should be minimized and Nepalis should be able to get high-quality medicine at affordable prices.

Mahesh Ranasaria’s thoughts and ideas gave direction to the dream that grew in his mind and finally, in 2015, he established “Everest Parenterals Pvt. Ltd.” He and his team’s tireless efforts led to the establishment of “Everest Parents Pvt. Ltd.” which has established a distinct identity in the Nepali pharmaceutical market with dozens of quality products.

For the first time, the industry will also bring state-of-the-art Eurohead technology to Nepal, which has eliminated the risk of infection, said Umang Ranasaria. He noted that doing so may slightly increase the cost of production, but since his company is not just profit-oriented, they are going to move forward by prioritizing higher quality production.

The industry will produce 2,000 bottles of Saline water, 2,500 bags of Saline water, 7,000 glass vials, and 14,000 eye/ear drops per hour.

CEO Ranasaria expressed the belief that in the near future, we can not only reduce the dependence on the import of medicines, but we can export them.

Umang Ranasaria also aims to make the nation proud by exporting medicines produced in his industry and bringing foreign currencies to Nepal. This will reduce the import deficit to some extent.

He added that the lack of employment opportunities in the country today has forced the youth to migrate abroad for employment, adding that the exodus of the country’s leading youth is certainly a matter of concern and misfortune. Everest Parenterals Pvt. Ltd. has provided employment to 250 people directly and thousands indirectly.

This number is likely to increase significantly in the near future.

Source Link: https://nepalnews.com/s/business/everest-parenterals-a-leading-nepali-pharmaceutical-company

मंगलबार, फागुन १७, २०७८, १५:१०:५४ – सेतोपाटी संवाददाता

एभरेष्ट पेरेन्ट्रल्स प्रा. लिले लार्ज भोल्युम पेरेन्ट्रल्स, स्मल भोल्युम पेरेन्ट्रल्स, आँखा र कानको ड्रपहरूको उत्पादनलाई एउटै छतमुनि ल्याएको छ। देशलाई इन्जेक्टेबल उत्पादनमा आत्मनिर्भर बनाउने उद्देश्यले कम मूल्यमा उच्च गुणस्तरको इन्जेक्टेबल उत्पादहरू उपलब्ध गराउने उद्देश्यले सन् २०१५ मा यो औषधि उद्योगको स्थापना भएको हो ।

बारा जिल्ला अन्तर्गत जीतपुरसिमरा उपमहानगरपालिकाको छाता पिपरा, वार्ड नं ९ मा अवस्थित एभरेष्ट पेरेन्ट्रल्स प्रा. लि औषधि उद्योगले ठूलो सम्भावना बोकेको छ ।यस उद्योगमा अत्याधुनिक प्रयोगशाला, उच्च प्रविधिको रिसर्च एण्ड डेभलपमेन्ट सेन्टर छ।

यो उद्योगले कोरोना महामारी समय सिडिसी गाइडलाइन अनुसार देशको पहिलो भाइरस ट्रान्सपोर्ट मिडियम (भिटिएम) किट बनाएको थियो।

यो औषधि उद्योगको सञ्चालन महेश रानासरियाले सञ्चालन गरेका हुन्। उद्योगले हाल दर्जनौं गुणस्तरीय उत्पादनहरू बजार भित्र्याउँदै नेपाली औषधि बाजारमा बेग्लै पहिचान बनाएको छ।

एभरेष्ट पेरेन्ट्रल्सले नेपालमा पहिलोपटक युरो हेडको अत्याधुनिक प्रविधि भित्र्याएको छ। उक्त प्रविधिको उपयोगले उत्पादको मूल्य बढेपनि उत्पादनको गुणस्तर भने राम्रो हुने बताइएको छ।

यस उद्योगको ठुलो भोल्युम अन्तर्गत यूरो पोर्ट/स्ट्राइल पोर्ट स्लाइन पानी दुई हजार बोतल प्रति घण्टा, यूरो पोर्ट / स्ट्राइल पोर्ट फ्लेक्सी ब्यागको स्लाइन पानी दुई हजार पाँच सय ब्याग प्रति घण्टा र सानो भोल्युम अन्तर्गत ग्लास एम्पुल १४ हजार एम्पुल प्रति घण्टा, ग्लास भायल सात हजार सिसी प्रति घण्टा, इयर ड्रप र आई ड्रप १४ हजार सिसी प्रति घण्टाको उत्पादन क्षमता छ।

परराष्ट्रहरूबाट आयात गरिने औषधिहरू भविष्यमा स्वदेशमै उत्पादन गरेर परनिर्भरता न्यून गर्न सकिने उद्योगका प्रमुख कार्यकारी अधिकृत रानासरियाले बताए।

उनले उद्योगमा उत्पादित औषधिहरूबाट नेपालमा हुने खपतलाई परिपूर्ण गरेर, निर्यात समेत गरी राष्ट्रलाई गौरवान्वित बनाउने र विदेशी मुद्रा नेपालमा ल्याउने लक्ष्य पनि राखेका छन्।

साथै, उनी उद्योगले रोजगारका अवसर प्रदान गर्नेमा सकारात्मक छन्। एभरेष्ट पेरेन्टेरल्सले दुई सय ५० जनालाई प्रत्यक्ष रूपमा रोजगारी दिइरहेको छ। सिइओ रानासरियाका अनुसार भविष्यमा यो संख्यामा वृद्धि हुने सम्भावना छ।

यो उद्योग डब्ल्युएचओ/जिएमपी मापदण्डअनुसार स्थापना छ। यो ८५,००० वर्ग फिट जग्गामा ७८,००० भन्दा बढी क्षेत्रफलमा निर्माण भएको छ।

Source Link: https://www.setopati.com/kinmel/medical/263491